أمهات كتير من باب خوفها على طفلها وعشان تخليه في أمان، اختارت تقعد بيه في البيت فتمنع عنه أي حد ممكن
ينقله الفايرس بأي شكل، وبتتأكد من تعقيم أي حاجة بتدخل للبيت، واحيانا كمان تستغنى عن مواعيد تطعيمات الاطفال أو تأجلها، وده للأسف مشكلة تانية في حجم الفايرس اللي بتحاولي تحمي طفلك منه وتتجنبي ظهور اعراض كورونا عند الاطفال .
خلينا الأول نعرف ايه هو (اللقاح) او تطعيمات الاطفال ؟
التطعيم بيأهل الجهاز المناعي للجسم عشان يقدر يحارب المرض، وده بيكون عن طريق دخول جزء ضعيف من الفايرس، او الجرثومة للجسم. وبالتالي بيكون سهل على الجهاز المناعي أنه يكون اجسام مضادة للمرض من غير ما نأذي الجسم، ومستقبلاً هيتعرف على النوع ده من الجراثيم والفايروسات ويفضل الطفل في امان .
وطبعا التطعيمات الموصى بيها من وزارة الصحة، مش أقل أهمية من فايرس كورونا المنتشر حاليا،ً زي تطعيم شلل
الأطفال والجدري والتهاب الكبد الفيروسي وغيرهم، وضررهم على الطفل مساوي في الخطر بنفس درجة الفايرس
الحالي، وبيحذر أطباء الأطفال من اهمال التطعيم أو تأخيره حتى في وضع فايرس كورونا الجديد .
خطوات تطعيم الطفل بأمان
عرفنا خلاص انه مهم جدا وما ينفعش ما ننزلش نقوم بتطعيمات الاطفال، وفي نقاط سريعة هنشوف مع بعض الخطوات الواجب اتباعها عشان نعمل المهمة دي بأمان:
- اختاري وقت بدري ويوم ومكان مش زحمة قدر الإمكان، عشان نقلل من فرصة التعرض للفايرس .
- التزمي بالتباعد الاجتماعي وحاولي تحافظي على مسافة بينك وبين أي شخص معاكي في العيادة باستثناء الطبيب المختص .
- ركزي مع الطفل أنه ما يلمسش او يمسك أي حاجة خصوصا لو كان بيمشي، وتعقيم ايده فوراً في حالة انه حصل، ومهم يغسل ايده بالصابون اول ما تتوفر فرصة .
- ركزي كمان مرة انه ما يمسكش وشه، يدعك في عينه او يدخل صوابعه في فتحات الانف والفم .
- تجنبي انك تقفي تتكلمي مع جارة في الطريق، او حد معارفكم يشوف الطفل ويسلم عليه ويحضنه، وخليكي صارمة .
- من الأفضل استخدام عربية خاصة للتنقل، تاكسي أو أجرة بمختلف أنواعها.
- المناديل وجل التعقيم والكحول اهم مستلزمات المهمة دي .
- الرضاعة الطبيعية مهمة جداً للطفل في الفترة دي، وهي اهم وسيلة لتقوية مناعة الطفل وحمايته، حاولي تأخري فطام الطفل حاليا.ً
- مهم جدا فوق كل ده تكوني ان ت كمان ملتزمة بالنقاط دي، بالإضافة الى لبس الكمامة، وتعقيم أي حاجة ممكن ن تعامل بيها
- مع الاخرين، زي الفلوس والبطاقة وشهادة الطفل الصحية، ويكون المشوار مقتصر على التطعيم وترجعي فوراً للبيت، لأن صحتك من صحة طفلك.
اما بالنسبة لكمامة الطفل
حذر كمان أطباء الأطفال من لبس الكمامة للرضع، لأنهم لا قدر الله ممكن يتعرضوا للاختناق بشكل سريع بسببها، وممكن ما تلاحظيش انزعاجه منها، والحاجة التانية أن الأطفال طبيعتهم بتحب الاستكشاف وهيفضلوا يمسكوا في الكمامة وده للأسف بيزود المشكلة .
امتى اقدر البس الطفل كمامة؟
للوقاية من فيروس كورونا، لو الطفل فوق السنتين ويقدر يعبر عن نفسه لو حس بالاختناق منها، ونقدر نتحكم في تصرفاته ونمنعه من لمسها.
هل معنى ده ان الطفل اقل من سنتين ينزل من غير حاجة تحمي الوجه؟
طبعا لا، استخدام face shield
حل مناسب وآمن حتى الآن لكافة الاعمار ويمكن اكتر راحة من إجراءات الكمامة بالنسبة للأطفال. مع ضرورة متابعة تنفسه.
خصوصا في حالة ان الجو حر، لبس الكمامة مهم جداً لان حسب الاحصائيات في بين كل 10 اشخاص مصابين بالفايرس، 8 منهم بدون أي اعراض، وبالتالي ممكن الطفل ينقله من شخص ظاهريا سليم، ويمكن ينقله لشخص سليم لأن الطفل، بدون أعراض .
ازاي نقدر نقنع الطفل يلبس الكمامة او الface shield خصوصا في السن الصغير؟
مهم جداً نتفهم عدم رغبة الطفل في لبس الكمامة واحيانا الخوف منها، لأنه بيعتمد بشكل أساسي في التواصل على ملاحظة ملامح وتعبيرات الوجه .
- سيبي وقت للطفل يلبسها بشكل مريح
- اختاري أنواع عليها شخصيات وحيوانات بيحبوها، وممكن يزينوها بنفسهم .
- خليهم مستعدين نفسيا قبلها بفترة، فممكن تلبسيها لدب او لعبة مفضلة عندهم عشان يعتادوا عليها .
- الفتي ان تباهه لما يخرج لكل شخص لابس كمامة أو face shield هيحس بالأمان ويتشجع لعدم خلعها طول فترة الخروج.
- ركزي على نقطة أن الطفل بيحب يقلدك أو ابوه، البسي الكمامة الأول قبل ما تلبسيها لطفلك .
أساتذة علم النفس بيوصوا بالكلام مع الطفل بعد لبس الكمامة عشان يعرف صوتك، ودايما استمري في سؤال الطفل لو عنده مشكلة مع الكمامة، وخصوصا الأطفال المصابين بالتوحد أو فرط الانتباه هيعاني من الخوف بشكل أكبر ومحتاج مجهود مضاعف في الاهتمام ورعاية الطفل في انجاز مهمة التطعيم والرجوع للبيت بالسلامة .
وممكن نقنع الطفل بيها عن طريق انه يش وف صورة للطبيب او الممرض لابس الكمامة، ويكون ضمن الابطال الsuper hero اللي هينقذونا من الفايرس الشرير، ولبس الكمامة أو أي قناع طبي مش بيدل على أي شيء خطير او مخيف او محزن. ولو مسافة الطريق للعيادة طويلة اهتمي ان يكون مع الطفل شيء يشغله ويهديه لحد ما يوصل ، لعبته المفضلة او اغنية او رسوم متحركة واحيانا غطاء خفيف .
ممكن نتخيل بعد النقاط والإجراءات دي كلها أن الموضوع صعب جداً، لكن هو مش محتاج أكتر من حزم وصبر وحب ورعاية كتير، عشان نضمن نمو صحي وسليم لأطفالنا، يستحق انجاز المهمات الصعبة عشانه .
